حماس نے یرغمالیوں کی رہائی کے بعد 4 مغویوں کی لاشیں اسرائیل کے حوالے کر دیں

اسرائیلی میڈیا کے مطابق حماس کی جانب سے لاشیں دی جانے والے مغویوں میں گائے ایلوز، یوسی شارابی، بپن جوشی اور ڈینیئل پریز شامل ہیں۔

حماس کا کہنا ہے کہ باقی 24 لاشوں کو نکالنے میں وقت لگ سکتا ہے کیونکہ تدفین کے تمام مقامات کا علم نہیں۔

گزشتہ روز معاہدے کے تحت حماس نے 20 زندہ یرغمالیوں کو رہا کر دیا تھا، جو سب ہشاش بشاش اور صحتمند نظر آئے۔

دوسری جانب اسرائیلی جیلوں سے 1,968 فلسطینی قیدی بسوں کے ذریعے غزہ اور مغربی کنارے پہنچے۔ برسوں بعد اپنے پیاروں سے ملاقات پر اہلخانہ خوشی سے پھولے نہ سمائے اور ایک دوسرے کو گلے لگا کر پیار کیا۔

رہائی کے بعد مغربی کنارے پہنچنے والے ایک فلسطینی نے میڈیا سے بات کرتے ہوئے کہا، "ہم سب سے پہلے اللہ کا شکر ادا کرتے ہیں اور پھر غزہ کے لوگوں اور مزاحمتی قوتوں کے قدم چومتے ہیں جنہوں نے ہمیں عزت کے ساتھ رہائی دلائی۔"

فلسطینی شہری نے کہا کہ جیل کے حالات بہت زیادہ سخت تھے، ہمیں 4 دن پہلے اپنی کوٹھریوں سے نکالا گیا اور تب سے ہمیں مارا پیٹا جاتارہا اور ذلیل کیا گیا۔