ملک کے مختلف علاقوں میں آج سے موسلادھار بارش کا امکان ہے۔ اتوار کی رات اسلام آباد میں مختلف مقامات پر وقفے وقفے سے بارش ہوئی جس سے موسم خوشگوار ہوگیا، جبکہ کراچی میں بھی کہیں ہلکی بارش اور کہیں بوندا باندی دیکھی گئی۔
محکمہ موسمیات کے مطابق اسلام آباد، پنجاب، خیبر پختونخوا، کشمیر اور گلگت بلتستان کے بعض علاقوں میں آئندہ دنوں کے دوران تیز بارش متوقع ہے۔
6 اگست کو بلوچستان میں تیز بارشیں متوقع ہیں۔
اس کے علاوہ سندھ کے ساحلی علاقوں میں مطلع جزوی ابر آلود رہنے کے علاوہ ہلکی بارش یا بوندا باندی کا امکان ہے۔
دوسری جانب راول ڈیم کے اسپل ویزکھول دیے گئے۔ دریائے سندھ میں کالا باغ ، تونسہ،گڈو اور سکھر بیراج پر بدستور نچلے درجے کا سیلاب برقرار ہے۔
