محکمہ موسمیات نے پاکستان میں رواں برس انتہائی سرد موسمِ سرما کی پیش گوئیوں کو مسترد کر دیا ہے۔ محکمہ موسمیات کے مطابق دسمبر سے فروری کے دوران بارشیں معمول کے مطابق یا معمول سے قدرے کم ہونے کا امکان ہے۔
بعض علاقوں میں مغربی ہواؤں کے گزرنے سے سردی کی وقتی لہر آ سکتی ہے، تاہم پورے ملک میں غیر معمولی سخت یا ریکارڈ توڑ سردی کے دعوے سائنسی بنیادوں پر درست نہیں ہیں۔
محکمہ موسمیات کا کہنا ہے کہ پاکستان میں ’انتہائی سردی‘ کے حوالے سے خبریں حقیقت پر مبنی نہیں اور ان کا کوئی مضبوط سائنسی ثبوت موجود نہیں۔
