محکمہ موسمیات نے سال 2026 کے چاند کی رویت کا تفصیلی کیلنڈر جاری کر دیا ہے، جس میں پورے سال کے اسلامی مہینوں کے چاند کی پیدائش، غروبِ آفتاب اور ممکنہ رویت کے اوقات درج ہیں۔
محکمہ موسمیات کے مطابق شعبان کا چاند 21 جنوری، رمضان المبارک کا چاند 18 فروری 2026 کو نظر آنے کا امکان ہے۔
اسی طرح شوال کا چاند 19 مارچ، ذی القعد کا چاند 18 اپریل اور ذی الحجہ کا چاند 17 مئی 2026 کو دکھائی دینے کی توقع ظاہر کی گئی ہے۔
مزید بتایا گیا ہے کہ محرم الحرام کا چاند 15 جون، صفر کا چاند 15 جولائی اور ربیع الاول کا چاند 13 اگست 2026 کو نظر آنے کا امکان ہے۔
اسی طرح ربیع الثانی کا چاند 12 ستمبر، جمادی الاول کا چاند 12 اکتوبر، جمادی الثانی کا چاند 10 نومبر جبکہ رجب کا چاند 10 دسمبر 2026 کو متوقع ہے۔
یہ کیلنڈر محکمہ موسمیات کے کلائمٹ ڈیٹا پروسیسنگ سینٹر نے مرتب کیا ہے تاکہ چاند کی رویت سے متعلق پیشگی معلومات عوام اور متعلقہ اداروں تک پہنچائی جا سکیں۔
