بلوچستان کے گورنر جعفر خان مندوخیل کی رہائش گاہ کے باہر فائرنگ کے ایک واقعے میں 5 افراد زخمی ہو گئے۔ اس موقع پر رہائش گاہ کے باہر پولیس اہلکار بھی موجود تھے، جبکہ کچھ طلبہ گورنر سے ملاقات کے لیے پہنچے تھے۔
رپورٹس کے مطابق، پولیس اہلکاروں اور طلبہ کے درمیان تلخ کلامی بھی ہوئی، جس کے بعد فائرنگ کا واقعہ پیش آیا۔
پولیس کا کہنا ہےکہ فائرنگ سے زخمی ہونے والوں میں 3 طلبہ اور 2 پولیس اہلکار شامل ہیں جنہیں فوری طبی امداد کے لیے سول اسپتال ژوب منتقل کردیا گیا ہے جب کہ واقعے کی تحقیقات بھی شروع کردی گئی ہیں۔
