ناگن چورنگی کے قریب نامعلوم افراد کی فائرنگ سے 2 افراد جاں بحق ہو گئے۔
ریسکیو حکام کاکہنا ہے کہ موٹر سائیکل پر سوار دو ملزمان نے ناگن چورنگی کے قریب فائرنگ کی جس سے دو موقع پر ہی جاں بحق ہو گئے۔ ریسکیو حکام کا بتانا ہے کہ فائرنگ سے ایک شخص شدید زخمی بھی ہوا جسے عباسی شہید ہسپتال پہنچا دیا گیا ہے۔
واقعہ کے بعد کی سی سی ٹی فوٹیج بھی سامنے آگئی ہے جس میں موٹر سائیکل پر سوار دو افراد کو فرار ہوتے دیکھا جا سکتا ہے۔
