ملک کے مختلف شہروں میں صبح سویرے موسلا دھار بارش اور ژالہ باری کا سلسلہ رہا۔ اسلام آباد اور راولپنڈی میں صبح کے وقت بادل برس پڑے اور تیز ہواؤں کے ساتھ موسلا دھار بارش ہوئی۔ بعض مقامات پر اولے بھی پڑے۔
اسلام آباد اور راولپنڈی کے علاوہ، رات گئے ضلع باجوڑ، مالاکنڈ اور سوات کے علاقوں میں بھی گرج چمک کے ساتھ بارش اور ژالہ باری ہوئی۔
محکمہ موسمیات کا کہنا ہے کہ آج مری، گلیات، جہلم، گوجرانوالہ اور لاہور سمیت پنجاب کے مختلف حصوں میں بارش متوقع ہے۔
دیر، چترال، پشاور، مردان کے علاوہ کشمیر اور گلگت بلتستان میں بھی بارش کا امکان ظاہر کیا گیا ہے۔
سندھ میں کراچی، حیدرآباد اور میرپورخاص میں چند مقامات پر بارش کی توقع ہے۔
