آئی سی سی انڈر-19 ورلڈ کپ 2026 کے لیے 16 ٹیموں کے انتخاب کا عمل مکمل ہو گیا ہے۔ امریکہ نے آخری کوالیفائر کے طور پر ٹورنامنٹ میں جگہ بنائی ہے، جو اگلے سال زمبابوے اور نمیبیا میں منعقد ہوگا۔
کوالیفیکیشن کے فارمیٹ کے مطابق 2024 کے ورلڈ کپ (جنوبی افریقہ) کی ٹاپ 10 ٹیمیں اور میزبان زمبابوے نے براہ راست کوالیفائی کیا، جبکہ باقی 5 ٹیموں کا فیصلہ براعظمی کوالیفائرز سے ہوا۔
براہ راست کوالیفائی کرنے والی ٹیموں میں آسٹریلیا، بنگلہ دیش، انگلینڈ، بھارت، آئرلینڈ، پاکستان، نیوزی لینڈ، سری لنکا، جنوبی افریقہ، ویسٹ انڈیز اور زمبابوے شامل ہیں۔
براعظمی کوالیفائرز کے بعد افریقہ سے تنزانیہ اور امریکہ جبکہ ایشیا سے افغانستان نے ورلڈ کپ میں رسائی یقینی بنائی۔
ایسٹ ایشیا پیسفک سے جاپان، اسکاٹ لینڈ نے یورپ سے جگہ بنائی، یوں 16 ٹیموں کی لائن اپ مکمل ہوگئی ، ایونٹ کے لیے اب کائونٹ ڈاؤن شروع ہوچکا ہے۔
