ملک کے مختلف ساحلی علاقوں میں حالیہ بارشوں کے بعد مچھلیوں کی غیر معمولی افزائش دیکھنے میں آ رہی ہے۔ کوسٹل میڈیا سینٹر کے مطابق بارشوں کا تازہ پانی سمندر میں شامل ہونے سے سمندری ماحول انتہائی سازگار ہوگیا ہے، جس کے نتیجے میں مچھلیوں اور جھینگوں کی تعداد میں نمایاں اضافہ ہوا ہے۔
ماہرین کا کہنا ہے کہ میٹھے پانی کے اضافے سے سمندری درجہ حرارت اور نمکیات کی سطح میں توازن پیدا ہوا ہے، جو آبی حیات کی افزائش کے لیے بہترین حالات فراہم کر رہا ہے۔
ان کے مطابق یہی وجہ ہے کہ حالیہ دنوں میں مچھلیوں کی بڑی تعداد ساحلی علاقوں کے قریب دیکھی جا رہی ہے۔
