اعلیٰ ثانوی تعلیمی بورڈ کراچی نے انٹرمیڈیٹ بارہویں جماعت سائنس پری انجینئرنگ گروپ کے سالانہ امتحانات کے نتائج کا اعلان کر دیا،
کراچی کے انٹر پری انجینئرنگ امتحانات میں تقریباً45 فیصد طلبا ناکام ہوگئے ہیں۔ ترجمان کے مطابق پری انجینئرنگ گروپ کے امتحانات میں تینوں پہلی پوزیشنز طالبات نے حاصل کیں، 21ہزار 19 امیدوار امتحانات میں شریک ہوئے ہیں،
11ہزار 547 امیدوار کامیاب قرار پائے۔ نتائج بورڈ کی ویب سائٹ پر اپ لوڈ کر دیئے گئے ہیں، پہلی پوزیشن مشترکہ طورپر عثمان پبلک سکول کی طالبہ لائبہ انصاری اور بی اے ایم ایم پی ای سی ایچ ایس گورنمنٹ کالج فار ویمن کی طالبہ سیدہ عنزیلہ حیدر زیدی نے حاصل کی۔ بی اے ایم ایم پی ای سی ایچ ایس گورنمنٹ کالج فار ویمن کی طالبہ آئزل نے دوسری پوزیشن حاصل کی،
ہمدرد انٹرمیڈیٹ کالج فار سائنس اینڈ کامرس بلاک ایچ نارتھ ناظم آباد کی طالبہ حفصہ عمران نے تیسری پوزیشن حاصل کی۔
