سبی میں ریلوے اسٹیشن کے قریب ٹریک پر دھماکا ہوا تاہم خوش قسمتی سے کوئی جانی نقصان نہیں ہوا۔
ریلوے حکام کے مطابق سبی میں ریلوے اسٹیشن کے قریب دھماکا پشاور جانے والی جعفر ایکسپریس کے گزر جانے کےبعد ہوا۔
ریلوے حکام کا کہنا ہے کہ دھماکے سے ٹرین اور مسافروں کو کوئی نقصان نہیں ہوا، ریلوے ٹریک کو نقصان پہنچا ہے۔
حکام کا بتانا ہے کہ جعفر ایکسپریس کو سبی سے مقررہ وقت پر پشاور روانہ کر دیا گیا ہے۔
خیال رہے کہ جعفر ایکسپریس کو اس سے پہلے بھی کئی بار تخریب کاری کا نشانہ بنایا جا چکا ہے۔
