معروف اداکار اور ہدایتکار یاسر حسین نے انکشاف کیا ہے کہ انہوں نے مرحوم مذہبی اسکالر اور سیاستدان عامر لیاقت حسین کو خواب میں دیکھا تھا۔
اداکار یاسر حسین کا ایک پرانا انٹرویو سوشل میڈیا پر وائرل ہورہا ہے جس میں انہوں نے اداکارہ اشنا شاہ سے گفتگو کے دوران بتایا کہ خواب میں عامر لیاقت امریکا میں اپنی اہلیہ اور بچوں کے ساتھ ایک خوبصورت گھر میں مقیم تھے۔
یاسر حسین کے مطابق، وہ خواب میں عامر لیاقت کے گھر میں قیام پذیر تھے اور مرحوم مذہبی اسکالر نے روایتی شلوار قمیض زیب تن کر رکھی تھی۔
واضح رہے کہ معروف ٹی وی میزبان اور رکنِ قومی اسمبلی عامر لیاقت حسین 9 جون 2022 کو کراچی میں انتقال کر گئے تھے۔
عامر لیاقت حسین نے3 شادیاں کی تھیں، پہلی شادی سیدہ بشریٰ اقبال، دوسری سیدہ طوبیٰ اور تیسری دانیہ شاہ سے کی تھی ، بشریٰ اقبال سے ان کا ایک بیٹا اور ایک بیٹی ہیں۔
