معروف اداکارہ ہانیہ عامر اور گلوکار عاصم اظہر ایک بار پھر سوشل میڈیا پر خبروں کی زینت بن گئے ہیں۔ عاصم اظہر کی 29ویں سالگرہ کی تقریب میں ہانیہ عامر کی موجودگی نے مداحوں کو حیران کر دیا۔
ہانیہ عامر اور عاصم اظہر کے درمیان 2018 سے 2020 تک گہری دوستی رہی تھی اور وہ اکثر تقریبات اور سوشل میڈیا پر ایک ساتھ نظر آتے تھے۔
بعد میں دونوں کے درمیان فاصلے پیدا ہو گئے اور عاصم اظہر نے اداکارہ میرب علی سے منگنی کر لی۔
حال ہی میں ہانیہ عامر اور عاصم اظہر کو مختلف تقریبات میں دوبارہ ایک ساتھ دیکھا گیا ہے۔
اس کے علاوہ، عاصم اظہر نے اپنی سالگرہ سے قبل ایک دھندلی تصویر پوسٹ کی، جس میں مداحوں کا خیال ہے کہ ہانیہ عامر بھی موجود تھیں، اور اسے سوشل میڈیا صارفین نے اُن کے تعلق کی نئی شروعات کے طور پر دیکھا۔
گزشتہ رات عاصم اظہر کی سالگرہ کی تقریب میں ہانیہ عامر بھی شریک ہوئیں، تقریب کی نجی ویڈیوز شیئر کی گئیں، جس میں دونوں ایک ہی مقام پر موجود تھے، اگرچہ انہوں نے ایک ساتھ تصاویر نہیں بنوائیں۔
سوشل میڈیا پر اس حوالے سے صارفین کی جانب سے ملا جلا ردعمل سامنے آیا ہے، کچھ نے میرب علی کے لیے ہمدردی کا اظہار کرتے ہوئے لکھا کہ میرب اس سے بہتر کی حقدار ہیں، جبکہ کچھ صارفین کا کہنا تھا کہ یہ دونوں سب کو بے وقوف بنا رہے ہیں، ایک صارف نے طنزیہ انداز میں تبصرہ کیا کہ یہ انٹرنیٹ کا سب سے بہترین ڈرامہ ہے۔
