معروف یوٹیوبر اور ولاگر رجب بٹ، جو اپنی متنازعہ آراء، جھگڑوں اور قانونی کیسز کے باعث پہلے ہی توجہ کا مرکز رہ چکے ہیں، ایک بار پھر سرخیوں میں آگئے ہیں۔ رجب بٹ اس وقت برطانیہ میں مقیم ہیں، جہاں ان کے خلاف متعدد مقدمات زیرِ سماعت ہیں۔ حال ہی میں انہوں نے ایک پوڈکاسٹ میں شرکت کی اور مختلف مشکل سوالات کے کھلے دل سے جوابات دیے۔
گفتگو کے دوران ان سے ٹک ٹاکر فاطمہ خان سے منسوب افواہوں کے بارے میں بھی سوال کیا گیا۔
یاد رہے کہ فاطمہ خان نے کچھ عرصہ قبل دعویٰ کیا تھا کہ ان کا رجب بٹ کے ساتھ قریبی تعلق رہا ہے اور اس حوالے سے انہوں نے کچھ تحائف عوام کے سامنے پیش کیے تھے۔
تاہم، رجب بٹ نے ایک بار پھر ان تمام الزامات کو بے بنیاد قرار دیتے ہوئے کہا کہ "فاطمہ کے پاس کوئی ثبوت، پیغامات یا رسیدیں موجود نہیں، اس لیے یہ تمام دعوے جھوٹ پر مبنی ہیں۔"
جب ان سے ان کی اہلیہ ایمان کے ردِعمل کے بارے میں پوچھا گیا، تو رجب بٹ نے مسکراتے ہوئے جواب دیا کہ "ایمان کو ان سب باتوں سے کوئی فرق نہیں پڑتا، وہ جانتی ہیں حقیقت کیا ہے۔"
رجب کے مطابق، ’ایمان جانتی ہیں کہ ہمارے رشتے میں ان کی کیا اہمیت ہے، وہ کبھی خود کوغیر محفوظ محسوس نہیں کرتیں اور نہ ہی ایسی باتوں سے متاثر ہوتی ہیں۔‘
انہوں نے مزید کہا کہ ان کی اہلیہ کو ان پر مکمل اعتماد ہےاورچاہے حالات جیسے بھی ہوں وہ ہمیشہ ایک دوسرے کے ساتھ کھڑے رہتے ہیں۔
رجب بٹ کا یہ بیان سوشل میڈیا پر تیزی سے وائرل ہو رہا ہے اور مداحوں کی جانب سے مختلف تبصرے سامنے آرہے ہیں۔ کچھ لوگ ان کے اعتماد کو سراہ رہے ہیں، جبکہ کچھ اب بھی اس تنازع پر سوال اٹھا رہے ہیں۔
