تھیٹر، ٹی وی اور فلم کے نامور کامیڈین لکی ڈیئر طویل علالت کے بعد خالقِ حقیقی سے جا ملے۔ 60 سالہ فنکار گزشتہ آٹھ ماہ سے پھیپھڑوں اور ذیابیطس کے مرض میں مبتلا تھے اور لاہور کے میو اسپتال میں زیرِ علاج تھے۔
اہلِ خانہ کے مطابق آخری ایام میں ان کی حالت انتہائی تشویشناک تھی اور وہ کومہ میں چلے گئے تھے، جب کہ گردے، جگر اور معدہ بھی کام چھوڑ چکے تھے۔
مرحوم کے نواسے نے بتایا کہ نمازِ جنازہ عصر کے بعد باغبانپورہ میں ادا کی جائے گی۔
یاد رہے کہ لکی ڈیئر گزشتہ چالیس سال سے شوبز سے وابستہ تھے اور سیکڑوں ڈراموں اور فلموں میں اپنی منفرد اداکاری سے ناظرین کو محظوظ کر چکے تھے۔
