1941 کی کلاسک فلم میں استعمال ہونے والی یہ سلیڈ فلمی یادگاروں میں دوسری سب سے مہنگی فروخت بن گئی، ’دی وزرڈ آف آز‘ کے جوتوں کے بعد جس نے 2024 میں 3.25 کروڑ ڈالر کا ریکارڈ قائم کیا تھا۔
ہالی ووڈ کی معروف اور تاریخی فلم ’سٹیزن کین‘ میں استعمال ہونے والا روز بڈ سلیڈ نیلامی میں 1 کروڑ 47 لاکھ 50 ہزار ڈالر میں فروخت ہو گیا ہے۔
یہ سلیڈ فلم میں استعمال ہونے والے تین سلیڈز میں سے ایک ہے اور گریملنس کے ڈائریکٹر جو دانتے کے پاس تھا۔
جنہوں نے 1984 میں یہ سلیڈ آر کے او پکچرز اسٹوڈیو میں کام کے دوران حاصل کی تھی۔
جو دانتے نے اس یادگار سلیڈ کو ہیریٹج آکشن کے ذریعے نیلامی میں پیش کیا، جس نے اس منفرد اور قیمتی فلمی یادگار کو انتہائی بلند قیمت پر فروخت کر دیا۔
اس شاندار نیلامی کے بعد یہ یادگار فلمی اشیاء میں دوسری سب سے مہنگی فروخت بن گئی ہے۔
اس سے قبل سب سے مہنگی فلمی یادگار کا ریکارڈ 2024 میں ’دی وزرڈ آف آز‘ کے جوتوں کا تھا، جو 3 کروڑ 25 لاکھ ڈالر میں فروخت ہوئے تھے۔
