اب گھر بیٹھ کر آسانی سے کمائیں، یوٹیوب نے خوشخبری سنا دی

کمپنی کے مطابق اب صارفین برانڈ ڈیلز اور یوٹیوب شاپنگ پروگرام کے ذریعے زیادہ پیسے کما سکیں گے۔

ساتھ ہی ویڈیوز میں پراڈکٹ ٹیگز کے لیے آٹو ٹائم اسٹیمپس اور اہل اشیا کے لیے آٹو آئٹمز ٹیگنگ متعارف کرائی گئی ہے، جبکہ شارٹس کے لیے بھی ایک نیا برانڈ لنک فیچر شامل کیا گیا ہے۔

برانڈ اسپانسرشپ کی نئی حکمت عملی صارفین کو طویل ویڈیوز میں برانڈز شامل کرنے کا موقع دے گی۔

اس کا مطلب یہ ہے کہ جب کسی برانڈ سے معاہدہ مکمل ہو جائے تو صارفین اس اسپانسرشپ کو ہٹا کر اسے کسی اور برانڈ کو فروخت کر سکیں گے۔

کمپنی کے مطابق اس فیچر کی محدود آزمائش اگلے سال کے آغاز میں منتخب صارفین کے لیے کی جائے گی۔

یوٹیوب نے یہ بھی بتایا کہ نئے فیچر میں آرٹیفیشل انٹیلیجنس ٹیکنالوجی استعمال کی جائے گی جو صارفین کو ویڈیو میں پراڈکٹ کے حوالے دینے کے بہترین لمحات کی نشاندہی کرے گی اور خودکار طور پر پراڈکٹ ٹیگ دکھائے گا۔

کمپنی نے اعلان کیا کہ یہ فیچر رواں سال کے آخر تک تمام صارفین کے لیے دستیاب ہوگا۔

شارٹس بنانے والے صارفین بہت جلد کسی برانڈ سائٹ کے لنک کو ویڈیو میں ایڈ کرسکیں گے، جس سے ناظرین کے لیے پراڈکٹس کو تلاش کرنا اور خریدنا آسان ہو جائے گا۔

اس سے صارفین برانڈ پارٹنرز کو نتائج دکھا سکیں گے۔

یوٹیوب نے یہ بھی اعلان کیا کہ اس کی جانب سے بہت جلد برانڈز کو ایسے صارفین کے بارے میں بتایا جائے گا جو کریٹیر پارٹنر شپ کے لیے بہترین ہوں گے۔

یہ گوگل ایڈز میں ایک ٹیب ہے جس سے برانڈز کو کریٹیرز سے رابطے میں مدد ملتی ہے۔

مزید براں یوٹیوب کی جانب سے یوٹیوب شاپنگ پروگرام کو مزید صارفین اور مارکیٹوں بشمول برازیل میں توسیع دینے کا اعلان کیا ہے۔

کمپنی نے بتایا کہ گزشتہ 4 برسوں کے دوران اس کی جانب سے صارفین، آرٹسٹس اور میڈیا کمپنیوں کو 100 ارب ڈالرز سے زائد ادا کیے گئے ہیں۔