بگ بیش لیگ کی فرنچائز سڈنی سکسرز نے اعلان کیا ہے کہ وہ بابر اعظم کے مداحوں کے لیے ’’بابرستا‘‘ فین زون قائم کر رہی ہے۔ سڈنی سکسرز کے مطابق ’’بابرستا‘‘ کا افتتاح 17 دسمبر کو ایڈیلیڈ اسٹرائیکرز کے خلاف میچ کے موقع پر ہوگا۔
کلب نے مداحوں کو خبردار کیا ہے کہ نشستیں محدود ہیں، اس لیے شائقین جلد از جلد اپنی ٹکٹیں حاصل کریں تاکہ اس تاریخی لمحے کا حصہ بن سکیں۔
اس خصوصی فین زون میں مداح اپنے پسندیدہ بلے باز بابر اعظم کے جادو کو قریب سے محسوس کر سکیں گے۔
زون میں تھیمڈ سجاوٹ، خصوصی نشستیں اور شائقین کے لیے بھرپور ماحول فراہم کیا جائے گا تاکہ وہ اپنے اسٹار کی موجودگی کا مکمل لطف اٹھا سکیں۔
اس موقع پر بابر اعظم نے ویڈیو پیغام میں مداحوں سے کہا "میں آپ کو دعوت دیتا ہوں کہ ’’بابرستا‘‘ میں آئیں اور سڈنی سکسرز کے ہوم میچز میں ہمیں سپورٹ کریں۔"
