پاکستان کرکٹ بورڈ (پی سی بی) کی جانب سے سابق کپتان مصباح الحق کو اہم عہدے پر تقرری دیے جانے کا امکان ظاہر کیا گیا ہے۔ ذرائع کے مطابق پی سی بی نے چند روز قبل ڈائریکٹر کرکٹ آپریشنز انٹرنیشنل کے لیے اشتہار جاری کیا تھا، اور اب بورڈ مصباح الحق کو اس عہدے پر تعینات کرنے پر غور کر رہا ہے۔
اشتہار میں پہلی مرتبہ یہ شرط رکھی گئی تھی کہ امیدوار سابق ٹیسٹ یا ون ڈے انٹرنیشنل کرکٹر ہو۔
واضح رہے کہ پی سی بی نے ایشیا کپ میں پاک-بھارت میچ کے دوران صورتحال سے صحیح طریقے سے نمٹنے میں ناکامی پر ڈائریکٹر کرکٹ آپریشنز انٹرنیشنل عثمان واہلہ کو معطل کیا تھا، تاہم بعد میں انہیں بحال کر دیا گیا تھا۔
