اسسٹنٹ کمشنر پتوکی، فرقان احمد، کی لاش ایک ریسٹ ہاؤس سے برآمد ہوئی ہے۔ پولیس کے مطابق وہ سیلاب متاثرہ علاقوں میں امدادی کارروائیوں کی نگرانی کر رہے تھے اور گزشتہ پانچ دن سے پتوکی ہیڈ بلوکی کے ریسٹ ہاؤس میں قیام پذیر تھے۔
ابتدائی رپورٹس کے مطابق ڈیوٹی کے دوران انہیں دل کا دورہ پڑا جو جان لیوا ثابت ہوا۔
پولیس کا کہنا ہے کہ فرقان احمد شدید ذہنی دباؤ کا شکار تھے، ان کی لاش کو ضابطے کی کارروائی کے لیے اسپتال منتقل کردیا گیا ہے۔
مزید بتایا گیا ہے کہ ان کی لاش واش روم سے ملی، جبکہ ریسٹ ہاؤس عملے کے مطابق ان کی موت شریان پھٹنے کے باعث ہوئی۔
ڈی جی پی ڈی ایم اے کا اظہارِ افسوس
اسسٹنٹ کمشنر پتوکی فرقان احمد کے انتقال پر ڈی جی پی ڈی ایم اے عرفان علی کاٹھیا نے گہرے غم اور افسوس کا اظہار کیا ہے۔
ڈی جی پی ڈی ایم اے کے مطابق اے سی پتوکی فرقان احمد ہیڈ بلوکی پر ڈیوٹی پر مامور تھے۔
ان کا مزید کہنا تھا کہ فرقان احمد کی خدمات کو ہمیشہ یاد رکھا جائے گا۔
