مانسہرہ اور آس پاس کے علاقوں میں موسلادھار بارش کے بعد ندی نالوں میں شدید طغیانی دیکھنے میں آئی۔ شدید بارش کے بعد برساتی نالہ بپھر گیا، جس کے باعث پانی گھروں اور بازار میں داخل ہوگیا اور ایک مکان کو نقصان پہنچا۔
سیلابی ریلے میں 3 گاڑیاں بہہ گئیں، جبکہ ایک مدرسہ بھی ریلے کے اثر میں آگیا، تاہم ریسکیو اہلکاروں نے وہاں موجود طلباء کو بحفاظت نکال لیا۔
نیشنل ڈیزاسٹر منیجمنٹ اتھارٹی (این ڈی ایم اے) نے اسلام آباد اور پنجاب کے مختلف اضلاع میں بھی آج سے 3 ستمبر ممکنہ موسلادھاربارشوں کا الرٹ جاری کیا ہے۔
