پاک فضائیہ کا گلگت بلتستان میں ریسکیو مشن کامیابی سے مکمل، پاک فضائیہ کے سی، ون تھر ٹی طیارے نے پچیس جولائی کو گلگت بلتستان میں پھنسے سیاحوں اور مقامی افراد کو خصوصی پرواز سے ریسکیو کیا۔ گلگت بلتستان میں شدید موسمی حالات کے باعث سیاحوں اور مقامی افراد کی بڑی تعداد مشکل حالات سے دوچار ہیں۔
سی ون ، تھرٹی طیارہ صبح سات بج کر پچپن منٹ پر نور خان ایئر بیس سے قادری پہنچا اور ایک سو پچیس مسافروں کو منتقل کیا گیا۔
ریسکیو کیے گئے افراد میں بیاسی شہری، پچیس پاک فوج کے اہلکار اور اٹھارہ پاک فضائیہ کے اہلکار شامل ہیں۔
پاک فضائیہ کا طیارہ قادری بیس سے صبح آٹھ بج کر باون منٹ پر روانہ ہوا اور کامیاب آپریشن کے بعد نور خان بیس پہنچا۔
ریسکیو آپریشن کے دوران ایک سو پچیس افراد کو قادری سے نور خان بیس بحفاظت منتقل کیا گیا۔
افواج پاکستان اور مقامی انتظامیہ ہر مشکل گھڑی میں عوام کی خدمت اور فلاح کے لیے ہمہ وقت تیار ہے۔
