ضلع دیامر کی وادی داریل میں فوجی وردی میں ملبوس شدت پسندوں نے تھانے میں گھس کر اہلکاروں کو رسیوں سے باندھ کر اسلحہ اور وردی لیکر فرار ہو گئے۔
ذرائع کے مطابق رات گئے ضلع دیامر کے سب ڈویژن داریل کے بادوشال پولیس اسٹیشن میں پیش آیا۔ جہاں فوجی وردی میں ملبوس 40 شدت پسندوں نے پولیس اہلکاروں کو رسیوں سے باندھا اور پولیس اہلکاروں کی وردیا ں اور تمام اسلحہ لیکر فرار ہو گئے۔
جبکہ لوٹے گئے اسلحہ میں درجنوں جدید خود کار ہتھیار اور ہزاروں گولیاں شامل ہیں۔ پولیس نے نامعلوم افراد کے خلاف مقدمہ درج کر کے تحقیقات شروع کردی ہیں۔
