علی امین گنڈا پور کا استعفیٰ، بانی پی ٹی آئی نے ایک اور بڑا فیصلہ کر لیا

پی ٹی آئی ارکان نے اپنے استعفے پنجاب اسمبلی سیکرٹریٹ میں جمع کرا دیے، جس کے بعد کمیٹیوں سے مستعفی ہونے والے ارکان کی تعداد سات ہو گئی ہے۔

ذرائع کے مطابق، پنجاب اسمبلی میں پبلک اکاؤنٹس کمیٹی سمیت کئی اہم کمیٹیوں کی چیئرمین شپ پی ٹی آئی کے پاس تھی۔

پارٹی کے چیف وہپ رانا شہباز نے بھی مستعفی ہونے کا اعلان کیا، جب کہ حمبل ثناء، ممتاز فرخ جاوید مون اور شیخ امتیاز نے بھی اپنے استعفے جمع کرا دیے۔

امتیاز محمود نے لوکل گورنمنٹ کی قائمہ کمیٹی کی چیئرمین شپ سے استعفیٰ دیا، جس کے بعد پنجاب اسمبلی میں پی ٹی آئی کی نمائندگی مزید محدود ہو گئی ہے۔

جب کہ قائمہ کمیٹی برائے پرائس کنٹرول اویس ورک بھی چیئرمین شپ سے مستعفی ہوگئے۔ خیال رہے کہ گزشتہ روز پی ٹی آئی کے بانی نے پنجاب اسمبلی کی قائمہ کمیٹیوں سے مستعفی ہونے کی ہدایت کی تھی۔