سینیٹر اور وزیراعظم کے مشیر رانا ثناء اللہ نے کہا ہے کہ فیلڈ مارشل عاصم منیر کا کوئی ذاتی ایجنڈا نہیں، وہ اپنی مدت پوری کرکے سیدھے گھر چلے جائیں گے۔ رانا ثناء اللہ کے مطابق فیلڈ مارشل نہ وزیراعظم ہاؤس جائیں گے اور نہ ایوانِ صدر۔ رانا ثناء اللہ نے کہا کہ اگر نواز شریف وزیراعظم بننا چاہیں تو انہیں کسی سفارش کی ضرورت نہیں، وزیراعظم شہباز شریف خود وزارتِ عظمیٰ ان کے قدموں میں رکھ دیں گے۔
انہوں نے کہا کہ پاکستان مسلم لیگ (ن) اور پیپلز پارٹی کے درمیان کوئی بنیادی اختلاف نہیں، دونوں جماعتوں نے اکثر مواقع پر ایک دوسرے کے ساتھ تعاون کیا ہے۔
رانا ثناء اللہ کے مطابق پیپلز پارٹی اور ن لیگ دشمن جماعتیں نہیں، صرف ایک جماعت ایسی ہے جو دشمنی کے جذبے سے سیاست کرتی ہے، لیکن ہم ایسا نہیں چاہتے۔
بلاول بھٹو کے بیان پر بات کرتے ہوئے رانا ثناء اللہ نے کہا کہ بلاول کو اپنی رائے دینے کا حق ہے، وہ سیلاب متاثرین کے حوالے سے بات کر رہے تھے۔
ان کا کہنا تھا کہ مریم نواز کو وہ بات پسند نہیں آئی، لیکن پنجاب کے معاملے پر بات کرنا مریم نواز کا حق ہے — وہ عثمان بزدار نہیں ہیں۔
رانا ثناء اللہ نے مزید کہا کہ سیاستدان بات نہیں کرے گا تو اور کیا کرے گا، اس معاملے کو زیادہ دور تک نہیں جانا چاہیے۔
ان کا کہناتھا کہ فیلڈ مارشل عاصم منیر کا کوئی ذاتی ایجنڈا نہیں، فیلڈ مارشل اپنی مدت پوری کرکے سیدھےگھرجائیں گے، فیلڈ مارشل وزیراعظم ہاؤس اور ایوان صدر نہیں جائیں گے۔
موجودہ سیاسی قیادت کواپنےسیاسی مسائل ٹیبل پربیٹھ کرحل کرنےچاہئیں، "اُس" طرف سے کوئی مداخلت نہیں ہوگی۔
ان کا کہناتھا کہ نوازشریف وزیراعظم بننا چاہیں تو انہیں کسی سفارش کی ضرورت نہیں، وزیراعظم شہبازشریف نوازشریف کے قدموں میں وزارت عظمیٰ رکھ دیں گے۔
نوازشریف کا الیکشن سے پہلے فیصلہ تھا کہ اتحادی حکومت کو لیڈ نہیں کروں گا۔
