اسلام آباد ہائیکورٹ نے پی ٹی آئی رہنماؤں سینیٹر شبلی فراز اور کنول شوزب کی عدم پیرو ی پر توہین عدالت کی درخواستیں خارج کر دیں۔
پی ٹی آئی کے دونوں رہنماؤں نے اپنے نام سفری پابندی کی فہرست سے نہ نکالنے پر یہ درخواستیں دائر کی تھیں۔
تاہم دو بار کیس کال ہونے کے باوجود دونوں رہنماؤں کی جانب سے کوئی وکیل پیش نہ ہوا جس پر جسٹس طارق محمود جہانگیری نے درخواستیں خارج کر دیں۔
یاد رہے کہ دونوں رہنماؤں نے عدالتی حکم پر عمل درآمد نہ ہونے پر توہین عدالت کی درخواستیں دائر کر رکھی تھیں۔
