اسلام آباد کے شہریوں کو مفت وائی فائی سہولت فراہم کرنے کا فیصلہ کر لیا گیا۔ چیئرمین سی ڈی اے محمد علی رندھاوا کی زیر صدارت اجلاس میں طے پایا کہ ابتدائی طور پر 30 مختلف مقامات پر فری وائی فائی دستیاب ہوگا۔
میٹرو اور فیڈر بس اسٹیشنز، پارکس اور دیگر پبلک مقامات پر یہ سہولت فراہم کی جائے گی۔ چیئرمین کے مطابق سی ڈی اے کی ٹیکنیکل ٹیم این ٹی سی کو معاونت فراہم کرے گی جبکہ آپریشن اور مینٹیننس کی ذمہ داری بھی این ٹی سی کے سپرد ہوگی۔
چیئرمین سی ڈی اے نے فری وائی فائی سسٹم کیلئے مارکیٹنگ ماڈل تیار کرنے کی ہدایت کر دی ہے اور کہا کہ حاصل شدہ آمدنی مرمت واپ گریڈیشن پر خرچ ہوگی۔
