اسلام آباد ہائیکورٹ نے مختلف نوعیت کے مقدمات کی سماعت کے لیے اسپیشل اور لارجر بنچ تشکیل دے دیے جس کا باقاعدہ نوٹیفکیشن بھی جاری کر دیا گیا۔
ذرائع کے مطابق اسلام آباد ہائی کورٹ کی جانب سے جاری نوٹیفکیشن میں بتایا گیا ہے کہ جسٹس بابر ستار اور جسٹس سردار اعجاز اسحٰق خان پر مشتمل بینچ کمرشل مقدمات کی سماعت کرے گا۔
اسی طرح، کمپنیز ایکٹ کے تحت کیسز کی سماعت کے لیے لارجر بنچ تشکیل دیا گیا ہے، اس میں چیف جسٹس سرفراز ڈوگر، جسٹس محسن اختر کیانی اور جسٹس ثمن رفعت امتیاز شامل ہوں گے۔
تعلیمی اداروں سے متعلق مقدمات کی سماعت جسٹس ارباب محمد طاہر کا بینچ کرے گا جب کہ فائننشل انسٹی ٹیوشن آرڈیننس کے تحت دائر مقدمات کے لیے بھی ایک اسپیشل بینچ بنایا گیا ہے جس میں جسٹس طارق جہانگیری اور جسٹس ثمن رفعت امتیاز شامل ہیں۔
