وفاقی وزیر اطلاعات و نشریات عطا تارڑ اور وفاقی وزیر داخلہ محسن نقوی کے درمیان ملاقات، باہمی دلچسپی کے امور، امن و امان کی مجموعی صورتحال اور میڈیا کے مثبت کردار پر تبادلہ خیال کیا گیا۔
دونوں وزراء نے ریاستی بیانیے کو مضبوط بنانے پر اتفاق کیا ، دوران ملاقات عوام میں اعتماد کی فضا قائم رکھنے اور سوشل میڈیا پر گمراہ کن معلومات کے تدارک کیلئے مربوط حکمت عملی اپنانے پر بھی اتفاق کیا گیا۔
وفاقی وزیر اطلاعات نے کہا کہ ملکی سالمیت، اداروں کے وقار اور سماجی ہم آہنگی کے خلاف منفی پروپیگنڈے کو برداشت نہیں کیا جائے گا۔
وزیر داخلہ نے واضح کیا کہ امن و امان کے قیام اور دہشت گردی کے خلاف اقدامات میں میڈیا کا تعمیری کردار قابل تحسین ہے۔
ملاقات میں قومی مفاد کے تحت ادارہ جاتی ہم آہنگی کو مزید فروغ دینے پر بھی زور دیا گیا۔
