وزیراعظم شہباز شریف اور روسی صدر ولادی میر پیوٹن کے درمیان اگلے ہفتے ملاقات طے پا گئی ہے۔ حکومتی ذرائع کے مطابق یہ ملاقات چین میں شنگھائی تعاون تنظیم (SCO) کے اجلاس کی سائیڈ لائن پر ہوگی، جہاں دونوں رہنماؤں کے درمیان پاکستان اور روس کے تعلقات کو مزید مضبوط کرنے، خطے کی سلامتی اور عالمی امور پر بات چیت کی جائے گی۔
اسی اجلاس کے دوران وزیراعظم شہباز شریف کی چینی صدر شی جن پنگ، ترک صدر رجب طیب اردگان، آذربائیجان کے صدر الہام علیوف اور دیگر اہم رہنماؤں سے بھی ملاقاتوں کا شیڈول طے پایا ہے۔
خیال رہے کہ وزیراعظم شہباز شریف 30 اگست کو شنگھائی تعاون تنظیم کے اجلاس میں شرکت کے لیے چین روانہ ہوں گے۔
