بلوچستان حکومت نے 12 ربیع الاول کے موقع پر صوبے بھر میں موبائل انٹرنیٹ سروس بند کرنے کا فیصلہ کرلیا۔
محکمہ داخلہ بلوچستان کے مطابق وفاقی محکمہ داخلہ کے ذریعے پی ٹی اے کو باضابطہ مراسلہ ارسال کردیا گیا ہے۔ صوبے میں 5 ستمبر کی شام 5 بجے سے 6 ستمبر کی رات 9 بجے تک تھری جی اور فور جی موبائل انٹرنیٹ سروس بند رہے گی۔
نوشکی، خضدار، مستونگ، سبی اور کوئٹہ میں پی ٹی سی ایل اور این ٹی سی وائرلیس انٹرنیٹ سروس بھی معطل رکھنے کی ہدایت کی گئی ہے۔ حکام کے مطابق سروس معطلی کا یہ فیصلہ سیکیورٹی خدشات کے پیش نظر کیا گیا ہے۔
