موسم سرما کے وائرل انفیکشنز سے کیسے بچا جائے؟

یہ خطرہ خاص طور پر بچوں، بزرگوں اور کمزور مدافعتی نظام رکھنے والے افراد میں زیادہ بڑھ جاتا ہے۔

سردی کے دوران زیادہ تر لوگ بند کمروں میں رہنے کو ترجیح دیتے ہیں، جس سے وائرس ایک شخص سے دوسرے تک آسانی سے منتقل ہو جاتے ہیں۔

خشک موسم ناک اور گلے کی جھلیوں کو بھی متاثر کرتا ہے، جس سے جسم کا قدرتی دفاعی نظام کمزور پڑ جاتا ہے۔

مزید یہ کہ درجہ حرارت میں کمی مدافعتی نظام کی کارکردگی کو سست کر دیتی ہے، جس سے جسم بیماریوں کے خلاف کمزور ہو جاتا ہے۔

بچاؤ کے مؤثر طریقے:

1. گرم رہیں

ٹھنڈی ہوا اور بار بار درجہ حرارت کی تبدیلی سے بچیں۔ جسم کو گرم رکھنے کے لیے تہہ دار لباس پہنیں۔

2. صحت مند غذا

وٹامن سی اور زنک والی غذائیں مدافعت بڑھاتی ہیں۔ پانی، سوپ اور ہربل چائے زیادہ پئیں تاکہ جسم ہائیڈریٹ رہے۔

3. صفائی کا خیال رکھیں

ہاتھ بار بار دھوئیں یا سینیٹائزر استعمال کریں۔ چھینکنے یا کھانسنے کے وقت منہ ڈھانپیں اور استعمال شدہ ٹشوز فوراً پھینک دیں۔

4. ماسک اور فاصلہ

اگر کسی کو نزلہ یا کھانسی ہے تو قریب جانے سے گریز کریں۔ ہجوم والی جگہوں میں ماسک پہننا فائدہ مند رہتا ہے۔

5. گھریلو ماحول بہتر رکھیں

کمرے میں ہوا کی آمد و رفت برقرار رکھیں یعنی روزانہ تھوڑی دیر کے لیے کھڑکیاں کھولیں۔ہیٹر استعمال کرنے سے پہلے کمرے میں نمی برقرار رکھنے کے لیے پانی کا پیالہ رکھیں۔

6. فلو ویکسین

سالانہ انفلوئنزا ویکسین لگوانا بہترین احتیاط ہے، خاص طور پر بچوں، بزرگوں اور حاملہ خواتین کے لیے۔