میکسیکو میں معروف لاطینی پاپ گلوکار فیڈی ڈورکاز کو ڈکیتی کی واردات کے دوران فائرنگ کر کے ہلاک کر دیا گیا۔ غیر ملکی میڈیا کے مطابق ارجنٹائن میں پیدا ہونے والے 29 سالہ گلوکار کو مبینہ طور پر مسلح افراد نے اُس وقت گولی ماری جب انہوں نے ڈکیتی کی کوشش کے دوران مزاحمت کی۔
میکسیکو سٹی کے سیکرٹریٹ آف پبلک سیفٹی کے ترجمان کا کہنا ہے کہ ابتدائی تحقیقات میں انکشاف ہوا ہے کہ چار حملہ آور دو موٹر سائیکلوں پر سوار تھے، جن کی تلاش جاری ہے۔
ترجمان کے مطابق سی سی ٹی وی فوٹیجز حاصل کر کے ملوث افراد کی شناخت کا عمل شروع کر دیا گیا ہے۔
واضح رہے کہ فیڈی ڈورکاز نے اپنے مشہور گانوں “کارا بونیتا” اور “موکا” سے بین الاقوامی شہرت حاصل کی تھی، اور ان کی موت پر لاطینی موسیقی کی دنیا سوگوار ہے۔
