پاکستان اسٹاک ایکسچینج میں نئے کاروباری ہفتے کا آغاز مندی کے ساتھ ہوا ہے۔ گزشتہ ہفتے اسٹاک مارکیٹ میں مسلسل گراوٹ دیکھی گئی، جب 100 انڈیکس چار دن کے دوران ساڑھے چار ہزار پوائنٹس نیچے آیا اور مارکیٹ کیپٹلائزیشن میں 600 ارب روپے کی کمی ریکارڈ کی گئی۔
آج بھی کاروبار کے آغاز میں منفی رجحان برقرار ہے، 100 انڈیکس ابتدائی گھنٹوں میں 2972 پوائنٹس گر کر 160,126 پوائنٹس کی سطح پر ٹریڈ کر رہا ہے۔
ماہرین کے مطابق سرمایہ کار غیر یقینی معاشی صورتحال اور عالمی مارکیٹ کے دباؤ کے باعث محتاط رویہ اختیار کیے ہوئے ہیں۔
