برطانیہ اور کینیڈا کے بعد فرانس نے بھی فلسطین کو بطور ریاست تسلیم کر لیا

انہوں نے زور دیا کہ جنگ، قتل و غارت اور انسانی ہجرت کو روکنا اب سب پر لازم ہے۔

صدر میکرون نے مزید کہا کہ امن پوری دنیا کی فوری ضرورت ہے اور اب وقت آگیا ہے کہ اس موقع کو ضائع نہ کیا جائے۔

واضح رہے کہ اس سے قبل برطانیہ، آسٹریلیا، کینیڈا اور پرتگال نے بھی فلسطین کو ریاست کے طور پر تسلیم کرنے کا اعلان کر چکے ہیں۔

برطانوی وزیراعظم سر کیئر اسٹارمر نے بھی سوشل میڈیا پر اس باضابطہ اعلان کا پیغام دیا تھا۔

میڈیا رپورٹس کے مطابق آسٹریلیا کی حکومت نے ایک بیان میں کہا ہے کہ فلسطینی ریاست کو باضابطہ طور پر تسلیم کر لیا گیا ہے تاہم فلسطین میں حماس کا کوئی کردار نہیں ہونا چاہیے۔

اس کے علاوہ کینیڈین وزیراعظم مارک کرنی نے اعلان کیا کہ ان کے ملک نے باضابطہ طور پر فلسطین کو ریاست تسلیم کر لیا ہے۔

نیویارک میں اقوام متحدہ میں پرتگال کے مستقل مشن کے صدر دفتر میں صحافیوں سے گفتگو کرتے ہوئے وزیر خارجہ پالو رانجل نے کہا کہ فلسطین کو بطور ریاست تسلیم کرنا پرتگالی خارجہ پالیسی کی بنیادی، مستقل اور اصولی پالیسی کا عملی اظہار ہے۔

انہوں نے کہا کہ پرتگال دو ریاستی حل کو ہی اس مسئلہ کا واحد راستہ سمجھتا ہے جو ایک منصفانہ اور پائیدار امن کی ضمانت دے سکتا ہے۔