کراچی کے مختلف علاقوں میں زلزلے کے ہلکے جھٹکے محسوس کیے گئے۔ ملیر، آئی آئی چندریگر روڈ اور دیگر علاقوں میں شہریوں نے زلزلے کے جھٹکے محسوس کیے۔
زلزلہ پیما مرکز کے مطابق، زلزلہ صبح 9 بج کر 34 منٹ پر ریکارڈ کیا گیا، جس کی شدت 3.2 ریکٹر اور زیر زمین گہرائی 10 کلومیٹر تھی۔
مرکز نے مزید بتایا کہ زلزلے کا مرکز ملیر سے 7 کلومیٹر شمال مغرب میں تھا۔
اس حوالے سے ڈپٹی ڈائریکٹر محکمہ موسمیات انجم نذیر نے کہا کہ 3 شدت کے زلزلے اکثر آتے ہیں مگر یہ زیادہ محسوس نہیں ہوتے گر چونکہ یہ شدت 3 سے زیادہ تھی اس لیے شدت محسوس ہوئی۔
