خیبرپختونخوا میں نئے وزیراعلیٰ کے حلف اٹھانے کے بعد اب تک کابینہ تشکیل نہ ہونے کے سبب اہم پالیسی فیصلے رک گئے ہیں۔ سرکاری ذرائع کے مطابق نومنتخب وزیراعلیٰ سہیل آفریدی کے حلف کے چھ روز بعد بھی صوبہ بغیر کابینہ کے چل رہا ہے، جس کے باعث اہم پالیسیوں اور منصوبوں کی منظوری میں تاخیر ہو رہی ہے۔
ذرائع کے مطابق وزیراعلیٰ سہیل آفریدی کابینہ میں کچھ نئے چہروں کو شامل کرنے پر غور کر رہے ہیں۔
سابق مشیر خزانہ خیبرپختونخوا مزمل اسلم نے کہا کہ صوبے میں کابینہ نہ ہونے کی وجہ سے متعدد انتظامی اور پالیسی مسائل سامنے آئے ہیں۔
انہوں نے امید ظاہر کی کہ وزیراعلیٰ رواں ہفتے پی ٹی آئی کے چیئرمین عمران خان سے ملاقات کر لیں گے تاکہ کابینہ تشکیل کے معاملات حتمی ہوں۔
انہوں نے کہا کہ بانی پی ٹی آئی سے ملاقات نہ ہوئی تو وزیراعلیٰ کے پاس مختصرکابینہ رکھنےکی ہدایات موجود ہیں جب کہ ترقیاتی منصوبوں کے لیے دوسرے سہ ماہی کے فنڈز جاری کردیے ہیں۔
