ہنگو کی تحصیل ٹل کے علاقے دو آبہ میں فیڈرل کانسٹیبلری (ایف سی) کے قلعے پر دہشت گردوں کے حملے میں 3 اہلکار شہید اور 17 شدید زخمی ہوگئے، حملے کے بعد علاقے میں سیکیورٹی ہائی الرٹ کر دی گئی اور امدادی ٹیمیں زخمیوں کو فوری طور پر قریبی اسپتال منتقل کرنے میں مصروف ہیں۔ حکام نے واقعے کی تحقیقات کا آغاز کر دیا ہے اور علاقے میں مزید ممکنہ خطرات کے پیش نظر سیکیورٹی سخت کر دی گئی ہے۔
ایس پی آپریشنز اسد زبیر کے مطابق دوآبہ کے علاقے طورہ وڑی میں فیڈرل کانسٹیبلری قلعے پر حملہ کیا گیا۔
پولیس حکام کے مطابق دہشت گردوں کے حملے میں فیڈرل کانسٹیبلری کے 3 جوان شہید اور 17 زخمی ہوئے۔
ایس پی آپریشنز کا بتانا ہے کہ پولیس اور ایف سی کی بھرپور جوابی کارروائی میں دہشت گرد فرار ہو گئے۔
ایس پی اسد زبیر کا کہنا ہے کہ زخمی اہل کاروں کو دوآبہ اسپتال منتقل کر دیا گیا۔
