این ڈی ایم اے کے نیشنل ایمرجنسی آپریشن سینٹرنے گلگت بلتستان اور آزاد کشمیر میں لینڈ سلائیڈنگز کے خطرے کا الرٹ جاری کر دیا۔
این ای اوسی کے مطابق گلگت بلتستان اور آزاد کشمیر میں ممکنہ بارشوں کے پیش نظر حساس علاقو ں میں لینڈ سلائیڈنگ کا خدشہ ہے ۔کشمیر کے اضلاع بلخصوص مظفرآباد، نیلم ویلی، حویلی، باغ، پونچھ اور سدھنوتی میں شدیدبارشوں کا امکان ہے ۔
این ای اوسی کاکہناہے کہ بارشوں اور ممکنہ سیلابی صورتحال کے باعث شاہراہ قراقرم کے مختلف مقامات پر لینڈ سلائیڈز کا خطرہ بڑھ گیا۔لینڈ سلائیڈنگ سے ممکنہ طور پر تورغرروڈ120، بٹگرام روڈ140، شانگلہ روڈ160، لوئر کوہستان روڈ180، تتا پانی روڈ320تا360متاثر ہو سکتی ہیں ۔ گلگت روڈ400تا420اور ہنزہ روندو سمیت اسکردو اور چترال کے مقامات پر بھی لینڈ سلائیڈنگ کا خدشہ ہے ۔
این ای اوسی نے کہاہے کہ پہاڑی علاقوں میں لینڈ سلائیڈنگ کے خطرے کے پیشِ نظر غیر ضروری سفر سے گریز کریں ۔ موسم اور سڑکوں کی صورتحال سے باخبر رہنے کے لیے ریڈیو، ٹی وی اور پاک این ڈی ایم اے ڈیزاسٹر الرٹ سے راہنمائی لیں ۔نیشنل ایمرجنسیز آپریشن سینٹر 24 گھنٹے کے لئے مکمل فعال ہے۔
این ای اوسی کے مطابق این ڈی ایم اے سول و عسکری اداروں کے ساتھ رابطے میں ہے ۔مقامی انتظامیہ کی ہدایات پر فوری عمل کریں اور ہنگامی حالات میں امدادی ٹیموں سے رابطہ کریں..
