وزیراعظم محمد شہباز شریف آج (اتوار) ملائیشیا کے تین روزہ سرکاری دورے پر روانہ ہو رہے ہیں۔ دورے کے دوران وہ ملائیشیا کے ہم منصب کے ساتھ دوطرفہ ملاقاتیں کریں گے اور اہم علاقائی اور عالمی امور پر تبادلہ خیال کریں گے۔ دونوں رہنما تجارت میں دوطرفہ تعاون کو فروغ دینے کے طریقوں پر بھی غور کریں گے ۔ امید ہے کہ اس دوران کئی موجودہ اور نئے شعبوں میں تعاون کے لیے معاہدوں اور مفاہمت کی یادداشتوں پر دستخط بھی کئے جائیں گے ۔
نائب وزیراعظم اور وزیر خارجہ اسحاق ڈار، سینئر وفاقی وزراء اور سینئر سرکاری حکام پر مشتمل ایک ایک اعلیٰ سطح کا وفد بھی وزیراعظم کے ہمراہ ہو گا۔ یہ دورہ پاکستان اور ملائیشیا کے درمیان مضبوط اور تزویراتی شراکت داری کی عکاسی کرتا ہے جو باہمی احترام، مشترکہ مفادات اور مختلف شعبوں میں قریبی تعاون پر مبنی ہے۔
