اقوام متحدہ کی جنرل اسمبلی میں پاکستان نے روہنگیا مسلمانوں کی محفوظ واپسی پر زور دیا ہے۔ اعلیٰ سطح کی کانفرنس میں خطاب کرتے ہوئے پاکستانی مندوب عاصم افتخار نے کہا کہ روہنگیا مسلمان دہائیوں سے بے دخلی اور بنیادی حقوق سے محروم ہیں۔
انہوں نے مزید کہا کہ حالیہ دنوں میں میانمار کی ریاست رخائن میں پرتشدد کارروائیوں نے حالات مزید سنگین کر دیے ہیں۔
جس کے نتیجے میں ہزاروں افراد ہجرت پر مجبور ہو گئے اور انسانی بحران بڑھ گیا ہے۔
عاصم افتخار نے عالمی برادری پر زور دیا کہ وہ یکجہتی کے وعدوں کو عملی اقدامات میں تبدیل کرے تاکہ روہنگیا مسلمانوں کے مسائل حل ہو سکیں۔
