بھارت خطے میں غاصب اور دہشتگردی کی پشت پناہی کر رہا ہے: پاکستان کا دو ٹوک موقف

انہوں نے کہا کہ بھارت سرحد پار دہشت گردانہ نیٹ ورک چلاتا ہے اور پراکسی کے ذریعے پاکستان کے اندر اور باہر کارروائیاں کرتا ہے، جس کی واضح مثال کلبھوشن کی گرفتاری ہے۔

محمد راشد نے بتایا کہ پاکستان نے ایک ذمہ دار ریاست کے طور پر پہلگام واقعے کی مذمت کی اور آزاد و شفاف تحقیقات کی پیشکش کی، لیکن بھارت نے اسے فوراً رد کر دیا۔

انہوں نے کہا کہ بھارت نے اس واقعے کو بنیاد بنا کر کھلی جارحیت کی، جس پر پاکستان نے بھرپور جواب دیا اور متعدد بھارتی جنگی طیارے مار گرائے، جبکہ دشمن کی فوج کو بھاری نقصان ہوا۔

واقعہ کے دوران بھارتی سفارتکار نے آئینہ دکھانے پر اٹھ کر چلے جانے کی بھی وضاحت دی۔

انہوں نے مزید کہا کہ پاکستان نے دہشت گردی کے خلاف جنگ میں 90 ہزار سے زائد قیمتی جانوں کی قربانی دی ہے۔

ہمارے پڑوسی ملک کی جانب سے دہشت گردی کے بارے میں لگائے گئے جھوٹے الزامات بار بار دہرا کر سچ بنانے کی کوشش ہیں۔

سیکنڈ سیکرٹری محمد راشد کا کہنا تھا کہ پاکستان امن کا خواہاں ہے۔ جنوبی ایشیا کے 1.9 ارب عوام، جو دنیا کی ایک چوتھائی آبادی ہیں۔

خوشحالی اور استحکام کے مستحق ہیں مگر یہ مقاصد دھمکیوں اور خوف کی فضا میں حاصل نہیں ہو سکتے۔