انسداد دہشتگردی کی عدالت نے عمران خان کی بذریعہ ویڈیو لنک پیشی کے سلسلے میں ایس او پیز جاری کر دیے ہیں۔ راولپنڈی کی انسداد دہشتگردی عدالت نے ویڈیو لنک کے ذریعے حاضری کے حوالے سے ایس او پیز لاہور ہائی کورٹ کے احکامات کے مطابق جاری کیے، اور ان کی کاپی عدالت کے اندر اور باہر آویزاں کر دی گئی ہے۔
ایس او پیز کے مطابق، ویڈیو لنک کارروائی کی ریکارڈنگ صرف عدالت ہی کر سکے گی اور سماعت کے دوران کوئی بھی شخص ریکارڈنگ نہیں کر سکتا۔
ایس او پیر کے تحت عدالت کے اندر موبائل فون یاریکارڈنگ ڈیوائس لےجانے کی اجازت نہیں ہوگی جب کہ ریکارڈنگ کرتے ہوئے پکڑے جانے پرفوجداری قوانین کے تحت کارروائی ہوگی۔
اس کے علاوہ کوئی بھی شخص ویڈیو لنک کارروائی کا ٹرانسکرپٹ حاصل نہیں کرسکے گا۔
