بھارتی حکومت نے آپریشن سندور میں ناکامی کے بعد ایک بار پھر پاکستان پر جھوٹے الزامات عائد کرنے کا سلسلہ شروع کر دیا ہے۔ پہلگام فالس فلیگ آپریشن میں رسوائی کے بعد بھارتی میڈیا نے ایک اور من گھڑت کہانی تراش لی۔
بھارتی فالس فلیگ کا نیا ایڈیشن سامنے آتے ہی پاکستان مخالف پروپیگنڈا ایک بار پھر بے نقاب ہوگیا۔ آپریشن سندور میں ناکامی کے بعد بھارتی حکام نے پاکستان کو بدنام کرنے کی نئی مہم شروع کردی ہے۔
پہلگام فالس فلیگ کی جگ ہسائی کے بعد بھارتی میڈیا ایک اور ڈرامے کے ساتھ سامنے آیا ہے۔
اس بار جھوٹا دعویٰ کیا گیا کہ ’’ممبئی ٹریفک کنٹرول روم کو شہر کے مختلف مقامات پر بم نصب ہونے کی کالز موصول ہوئیں‘‘، اور اس بے بنیاد خبر میں پاکستان کو ملوث کرنے کی کوشش کی گئی۔
پاکستان کو دہشت گردوں سے جوڑنے کی بھارتی میڈیا کی کوشش ایک بار پھر ناکام رہی۔ عالمی سطح پر شرمندگی اٹھانے کے بعد بھارت کا یہ نیا پروپیگنڈا بھی بے بنیاد اور غیر مؤثر ثابت ہوا ہے۔
اس طرح کی جھوٹی اور خود ساختہ خبروں کے ذریعے بھارت اندرونی ناکامیوں سے توجہ ہٹانا چاہتا ہے،بھارتی عوام کو خوف میں مبتلا کر کے سیاسی فائدہ اٹھانے کی پرانی چال دہرائی جا رہی ہے۔
اس سے قبل بھارتی میڈیا تین پاکستانی شہری جو کمبوڈیا روزگار کیلئے جا رہے تھے کو بھی دہشتگرد کہہ چکا ہے، یہ پروپیگنڈا بھارت کے اندرونی انتشار کو چھپانے کی کوشش ہو سکتی ہے۔
