قدرت کے عطا کردہ کچھ پھل نہ صرف ذائقے میں لاجواب ہیں بلکہ اپنی افادیت کے اعتبار سے وزن کم کرنے میں بھی معاون ثابت ہوسکتے ہیں۔
خوبصورت اور اسمارٹ دکھنا ہر کسی کی خواہش ہوتی ہے، کوئی اس کے لیے جم جاتا ہے، کوئی تازہ ہوا میں جا کر ورزش کو ترجیح دیتا ہے، تو کوئی اپنی زیادہ کھانے کی عادت پر قابو پانے کی کوشش کرتا ہے۔
آج ہم آپ کو ایسے دو پھلوں کے بارے میں بتائیں گے جو وزن میں کمی لانے میں مددگار ثابت ہوسکتے ہیں۔
سیب
سیب آئرن سے بھرپور پھل ہے اور اسے فائبر کا پاور ہاؤس بھی کہا جاتا ہے۔
جرنل آف نیوٹریشن میں شائع ایک تحقیق کے مطابق فائبر سے بھرپور غذا کولیسٹرول کی سطح کو کم کرنے اور دل کی مجموعی صحت کو بہتر بنانے میں مدد دے سکتی ہے۔
جسم میں کولیسٹرول کے کم ہونے سے وزن میں کمی ممکن ہوسکتی ہے۔
اس کے علاوہ سیب میں ایسے اجزا پائے جاتے ہیں جو تناؤ اور سوزش سے بچانے میں مدد کرتے ہیں، یہ طاقتور مرکبات آپ کے خلیات کو نقصان سے بچانے اور مجموعی صحت کو بہتر بنا سکتے ہیں۔
کیلا
اب بات کی جاتی ہےکیلئے کی افادیت کی۔
پوٹاشیم سے بھرپور کیلے آپ کے جسم کے لیے ایک سپر ہیرو کی طرح ہیں، ان میں پوٹاشیم کی زیادہ مقدار ہونے کی وجہ سے یہ ضروری معدنیات سیال توازن کو منظم کرنے اور دل کو صحت مند رکھتا ہے۔
امریکن ہارٹ ایسوسی ایشن کی تحقیق سے پتا چلتا ہے کہ پوٹاشیم فالج اور قلبی امراض کے خطرے کو کم کرنے میں مدد کرسکتا ہے۔
اس کے علاوہ کیلے میں فائبر بھی پایا جاتا ہے، فائبر آپ کے پیٹ کو بھرا ہوا محسوس کرواتا ہے اور ہاضمے کے نظام کو سست کرنے میں مدد فراہم کرتا ہے۔
دونوں میں سے کون سا پھل وزن کم کرنے کیلئے زیادہ مفید ہے؟
کیلے اور سیب دونوں ہی وزن کم کرنے کے لیے فائدہ مند ثابت ہو سکتے ہیں لیکن سیب کیلے پر برتری لے جاتے ہوئے زیادہ نظر آتا ہے کیونکہ سیب میں کم کیلوریز اور قدرے زیادہ فائبر ہوتا ہے جو وزن کو کم کرنے میں مدد دے سکتا ہے۔
تاہم کیلے پوٹاشیم سے بھرپور ہوتے ہیں اور یہ صحت مند ہاضمے کے لیے مفید ثابت ہوسکتے ہیں۔
اس بات کا خیال رکھا جائے کہ وزن میں کمی کے لیے بہترین پھل وہ ہی ہے جسے آپ متوازن غذا اور صحت مند طرز زندگی کے طور پر کھاتے ہیں۔
