ماہرین نے حال ہی میں بتایا ہے کہ گردوں کی ناکامی سے ہونے والی اموات کی بڑی تعداد میں ہائی بلڈ پریشر ایک اہم وجہ ہے۔ ہائی بلڈ پریشر گردوں کو مختلف انداز سے نقصان پہنچاتا ہے۔
گردوں میں لاکھوں چھوٹی خون کی نالیاں ہوتی ہیں جو خون کو فلٹر کرتی ہیں۔ مسلسل بلند فشار خون ان نالیوں پر دباؤ ڈال کر انہیں سخت اور تنگ کر دیتا ہے۔
جب یہ نالیاں متاثر ہو جائیں، تو گردے خون کو صحیح طرح صاف نہیں کر پاتے، جس کے نتیجے میں جسم میں فاسد مادے اور اضافی نمک یا پانی جمع ہونے لگتا ہے۔
مزید برآں، خراب گردے خود بھی ہائی بلڈ پریشر کو بڑھا دیتے ہیں کیونکہ وہ نمک اور پانی کو مناسب طریقے سے کنٹرول نہیں کر پاتے۔ یوں یہ دونوں حالتیں ایک دوسرے کو مزید بڑھا دیتی ہیں۔
عالمی ادارۂ صحت اور دیگر تحقیقی رپورٹس کے مطابق دنیا بھر میں گردوں کی ناکامی کے لاکھوں کیسز میں ہائی بلڈ پریشر ایک کلیدی سبب ہے۔
بعض ممالک میں تقریباً 30 سے 40 فیصد گردے کے مریض اسی وجہ سے اس مرض کا شکار ہوتے ہیں۔
مریضوں کی تجویز دی جاتی ہے کہ بلڈ پریشر کو 120/80 کے قریب رکھنے کی کوشش کریں۔
نمک کا کم استعمال (خصوصاً پیک شدہ اور فاسٹ فوڈ سے پرہیز کریں)۔
باقاعدہ ورزش اور وزن پر قابو رکھیں۔
تمباکو نوشی اور الکوحل سے اجتناب کریں۔
گردوں کے فنکشن اور بلڈ پریشر کا وقتاً فوقتاً ٹیسٹ کرواتے رہیں۔
