پاکستانی کرکٹ سٹارشعیب ملک اور اداکارہ ثنا جاویدنےسوشل میڈیا پر خوشگوار لمحات کی تصاویرشیئرکرکے اپنی علیحدگی کے حوالے سے سوشل میڈیاپرپھیلنے والی افواہوں کومستردکردیا۔
شعیب ملک اورثناجاویدنے انسٹاگرام پر یونیورسل سٹوڈیوز فلوریڈا کی تصاویر پوسٹ کیں، جن میں دونوں مختلف مقامات پرمحبت بھرے لمحات گزارتے دکھائی دئیے۔
بعض تصاویر میں وہ سکو بی ڈو ، ٹرانسفارمرز روبوٹس کے سامنے اور کچھ تصاویر میں ریونج آف دی ممی رائیڈ کے ساتھ بھی نظر آئے۔
شعیب ملک اورثناجاوید کے مداحوں نے ان تصاویر پر خوشی کا اظہار کرتے ہوئے اس امرپر اطمینان کااظہار کیا کہ یہ جوڑی اب بھی ساتھ ہے اور خوشگوار زندگی گزار رہی ہے۔
تاہم کچھ صارفین نے اس پر حیرانی ظاہر کی ہے کہ بھارتی میڈیا اب بھی ان کے تعلقات میں دراڑ کی خبریں دے رہا ہے۔
شعیب ملک اورثناجاویدکے درمیان علیحدگی کی خبروں کاآغازسوشل میڈیا پر وائرل ہونے والی ایک ویڈیوسے ہواجس میں دونوں کو ایک تقریب میں الگ الگ بیٹھے اور ایک دوسرے سے لاتعلق دیکھا گیا۔
جسے مداحوں نے ان کے تعلقات میں دراڑ کی علامت قرار دیا جس کے بعد دونوں کے درمیان علیحدگی کی افواہیں پھیل گئیں۔
شعیب ملک نے ٹینس سٹارثانیہ مرزاسے علیحدگی کے فوراًبعد ثنا جاوید سے جنوری 2024 میں شادی کی تھی۔
اس سے قبل شعیب ملک کی پہلی شادی عائشہ صدیقی سے ہوئی تھی جو آٹھ سال تک برقرار رہی۔
2010 میں انہوں نے ثانیہ مرزا سے شادی کی اور 2018 میں بیٹے اذہان مرزا ملک کی پیدائش ہوئی لیکن 2024 میں یہ رشتہ ختم ہوگیا۔
ترو تازہ چہرے، مناسب جسامت اور دلکش مسکراہٹ کی حامل ثنا جاوید نےفلموں اورڈراموں میں اداکاری سے لیکر ماڈلنگ تک بہت شہرت حاصل کی ہے۔
2012 ء میں ڈرامہ’’میرا پہلا پیار ‘‘سے فنی سفرکے آغازکے بعد پھر پیچھے مڑ کر نہیں دیکھااور آگے بڑھتے ہوئے ڈرامہ سیریلز رنجش ہی سہی، مینو کا سسرال، میری دلاری،حصار عشق،شہرذات،میراپہلاپیار،پیارے افضل،چنگاری،دل کاکیارنگ کروں،پیوند،اعتراض،ذرایادکر،انتظار،خانی،رومیوویڈزجولیٹ،رسوائی اورسکون سمیت بے شمارڈراموں میں اداکاری کے جوہردکھائے۔
اس کے علاوہ کئی ٹیلی فلموں اورمشہور برینڈزکے لئے ماڈلنگ بھی کی ہے۔
