بعض واقعات و حوادث ایسے رونما ہوتے ہیں جو انسان کو جھنجھوڑ کے رکھ دیتے ہیں،کئی دنوں اورراتوں کا سکھ چین چھین لیتے ہیں۔وہ واقعات،حادثات انسان کو اپنی موت آپ ماردیتے ہیں۔

حضرت امام حسین علیہ اسلام کا نام نا صرف عرب و عجم بلکہ تمام دنیا میں نہایت عزت و احترام و تکریم کے ساتھ پہچانا جاتا ہے۔ نبی اکرمﷺ کا یہ نواسہ، زہرؑا و علیؑ کا جگر گوشہ تمام مذاہب، مکاتیب افکار اور اقوام عالم میں محبت و اخوت، امن وآشتی، صبر و تحمل، اخلاص و مروت اور شجاعت و حکمت نیز عدل و انصاف اور حق و صداقت کا نمونہِ عمل ہے۔