بھارتی فوجیوں نے ضروریات اور مراعات کی فراہمی نہ ہونے پر احتجاج شروع کر دیا۔ بھارتی میڈیا کے مطابق انڈین آرمی کے اہلکاروں نے ریاست بہار کے مختلف شہروں میں مظاہرے کرتے ہوئے کہا کہ اگر ان کے مطالبات پورے نہ کیے گئے تو احتجاج کا دائرہ پورے ملک میں پھیلا دیا جائے گا۔
پٹنہ میں احتجاجی فوجیوں نے کہا کہ ہم کئی بار مودی حکومت اور بہار کے حکمرانوں کو اپنی ضروریات اور مراعات کے حوالے سے درخواستیں دے چکے ہیں، لیکن شنوائی نہ ہونے پر ہم سڑکوں پر آنے پر مجبور ہوئے ہیں۔
نیشنل سکیورٹی ایکسپرٹ سید محمد علی نے جیو نیوز سے گفتگو میں کہا کہ اس احتجاج کی تین بنیادی وجوہات ہیں۔
پہلی یہ کہ بھارتی افواج میں مورال کے حوالے سے سنگین مسائل جنم لے چکے ہیں، اور فوجیوں میں یہ احساس بڑھ رہا ہے کہ سیاسی قیادت انہیں دفاع اور سلامتی کے بجائے اپنے قلیل المدتی سیاسی مفادات کے لیے استعمال کر رہی ہے۔
دوسری وجہ یہ ہے کہ فوجی جوانوں اور افسران کی جانوں کو غیر ضروری خطرات میں ڈالا جا رہا ہے۔
تیسری بات یہ ہے کہ پاکستان کے خلاف جارحانہ رویہ، کشمیریوں پر مظالم اور اقلیتوں کے ساتھ ناروا سلوک نے افواج کے اندر موجود کمیونیٹیز کے نمائندوں کے حوصلے کو شدید متاثر کیا ہے۔
تیسری اور سب سے بڑی وجہ یہ ہے کہ ان آپریشنز میں جو بھارتی اہلکار اور افسران ہلاک بھی ہوتے ہیں ان کی خدمات اور قربانیوں کو نا تو فوجی لیڈر شپ تسلیم کرتی ہے اور نا ہی سیاسی لیڈر اس کا اعتراف کرتی ہے۔
دفاعی تجزیہ کار سید محمد علی نے اپنی بات جاری رکھتے ہوئے کہا کہ ان چیزوں کی وجہ سے بھارتی افواج میں مورال کے بڑے مسائل پیدا ہو رہے ہیں۔
بھارتی فوجیوں میں یہ یقین بڑھ رہا ہے کہ بجائے اس کے بھارتی فوج کو ایک ذمہ دار ریاستی ادارے کے استعمال کیا جائے انہیں سیاسی مفادات کے لیے استمعال کیا جا رہا ہے۔
ایک سوال کے جواب میں سید محمد علی کا کہنا تھا دنیا کی کوئی بھی فوج ہو اسے ملکی سلامتی اور دفاع کے لیے اپنے ملک کی عوام اور حکومت کی سپورٹ حاصل ہونی چاہیے۔
لیکن بھارت میں چونکہ فوج سیاسی مقاصد کے لیے استعمال ہوتی ہے، الیکشن سے پہلے کو فوج کو فالس فلیگ آپریشنز میں استعمال کیا جاتا ہے۔
بھارتی فوج کے جوانوں کو صرف اس لیے مار دیا جاتا ہے کہ اس کا الزام کشمیریوں یا پاکستان پر لگایا جا سکے۔
اس سب وجوہات کی بنا پر فوج میں شدید بے چینی اور اضطراب کی کیفیت پروان چڑھتی ہے اور یہ کچھ بھارتی فوج میں ہو رہا ہے۔
