مون سون کے رنگ ،لاہور سمیت پنجاب کے مختلف شہروں میں تیز بارش ہوئی۔ قصور، پاکپتن، کمالیہ، سرگودھا، چیچہ وطنی، چنیوٹ اور وہاڑی میں بادل کھل کربرسے، آزاد کشمیر کے مختلف مقامات پر بھی برسات سے گرمی کی چھٹی ہوگئی۔
محکمہ موسمیات کے مطابق آج سے سترہ جولائی کے دوران ملک کے بعض مقامات پر شدید بارشوں کا امکان ہے۔
اسلام آباد، پنجاب، سندھ، خیبرپختونخوا، شمال مشرقی بلوچستان، گلگت بلتستان اور کشمیر کے ندی نالوں میں طغیانی کا خطرہ ہے۔
محکمہ موسمیات کا کہنا ہے کہ نشیبی علاقے زیر آب آنے اور پہاڑی علاقوں میں لینڈ سلائیڈنگ کا بھی خدشہ ہے۔
